Илья Ильин, Жазира Жаппарқұл, Нижат Рахимов... Ауыр атлетикадан Азия чемпионатына қатысатын құрам анықталды

18-28 сәуір аралығанда Қытайдың Нинбо қаласында ауыр атлетикадан Азия чемпионаты өтеді. Бұл турнир 2020 жылы Токиода болатын жазғы Олимпиада ойындарына лицензиялық ұпай беретін жарыстардың бірі. 

Ауыр атлетикадан Ұлттық құрама бас бапкері Юрий Мельников Азия чемпионатына құраманың ең үздіктері іріктеніп алынды деді. Азия чемпионатында ерлер арасында Арлей Чонтей (55 келі), Фархад Харки (67 келі), Денис Уланов, Нұржан Сәменов (81 келі), Нижат Рахимов (89 келі), Илья Ильин, Рустам Сыбай (96 келі), Александр Зайчиков, Ибрагим Берсанов, Селімхан Абубакиров (109 келі) бақ сынайды. Ал қыздар арасында Зүлфия Чиншанло (55 келі), Карина Горичева (64 келі), Екатерина Столяренко, Екатерина Быкова (71 келі), Жазира Жаппарқұл (76 келі), Раушан Мешітханова (81 келі), Лариса Кобелева (87 келі), Айзада Мүфтілда (+87 келі) жұлдеге таласатын болады.

Айта кетерлігі, Әлемнің 4 дүркін чемпионы Илья Ильин 96 келі салмақ дәрежесі бойынша жарыстарыға қатыстаын болады.