British International Open: Илья Ильин мен Денис Ұланов халықаралық турнирдің жүлдегері атанды
Ұлыбританияның Ковентри қаласында ауыр атлетикадан өткен халықаралық турнирде қазақстандық спортшылар Илья Ильин мен Денис Ұланов жүлдегерлер қатарынан көрінді.
96 келіге дейінгі салмақта сынға түскен Ильин қоссайыс қорытындысы бойынша 350 келіні (165+185) бағындырып, жарыстың күміс жүлдесіне ие болды. Бұл Илья Ильин үшін кәсіби мансабындағы ұзақ уақытқа созылған үзілістен кейінгі алғашқы халықаралық жүлде.
Сондай-ақ, 81 келіге дейінгі салмақ дәрежесінде бақ сынаған Денис Ұланов турнирдің алтын медалін жеңіп алды. Ол қоссайыс қорытындысы бойынша 325 келіні (145+180) еңсерді.
