Қазақстан құрамасының бас бапкері Талғат Байсуфинов әлем чемпионатының іріктеу матчтарына шақырту алған ойыншылардың тізімін жариялады
Футболдан Қазақстан құрамасының бас бапкері Талғат Байсуфинов 2022 жылғы әлем чемпионатының іріктеу матчтарына шақырту алған ойыншылардың тізімін жариялады.
Тізімге 36 футболшы енген:
Қақпашылар: Стас Покатилов, Игорь Шацкий, Мұхамеджан Сейсен, Бекхан Шайзада.
Қорғаушылар: Александр Марочкин, Сергей Малый, Юрий Логвиненко, Нұралы Әліп, Темірлан Ерланов, Әлібек Қасым, Сағадат Тұрсынбай, Олжас Керімжанов, Абзал Бейсебеков, Марат Быстров, Еркін Тапалов, Мақсат Тәйкенов, Ян Вороговский, Дмитрий Шомко, Бағдат Қайыров, Михаил Габышев, Нұрлан Дайыров.
Жартылай қорғаушылар: Исламбек Қуат, Георгий Жуков, Владислав Васильев, Самат Жарынбетов, Рамазан Оразов, Азат Нұрғалиев, Бахтиер Зайнутдинов, Сұлтанбек Астанов, Бауыржан Байтана.
Шабуылшылар: Оралхан Өміртаев, Абат Айымбетов, Айдос Тәттібаев, Роман Мұртазаев, Айбар Жақсылықов, Артур Шушеначев.
Футболшылар 4 қазан күні елордаға жиналып, оқу-жаттығу жиындарын бастайды. Қазақстан ұлттық құрамасы 9 қазан күні «Астана-Аренада» Босния және Герцеговинамен, 11 қазан күні Финляндиямен кездеседі.
