«Барыс» Минскінің «Динамосын» буллиттер сериясында жеңді
Құрлықтық хоккей лигасының кезекті ойын күнінде елордалық «Барыс» өз алаңында «Динамо Минск» хоккей клубын қабылдап, ойын соңындағы буллиттер сериясында 3:2 есебімен басым түсті. Ойынның негізгі уақыты 2:2 есебімен аяқталды. Алаң иелері қатарында Линден Вей және Никита Михайлис көзге түссе, қонақтар сапында Сергей Сапего және Тайлер Граовак шайба соқты.
Осылайша Юрий Михайлис шәкірттері қатарынан екінші ойын жеңіске жетіп, турнир кестесіндегі жағдайын жақсартып алды. «Барыс» дәл қазіргі сәтте 28 ұпаймен Шығыс Конференциясының тоғызыншы сатысында келеді. Ал белорус клубы болса, ҚХЛ аясында бесінші қатарынан жеңе алмай келеді. Крейг Вудкрофт шәкірттері Батыс Конференциясында әзірге жетінші орында келеді.
