«Барыс» сырт алаңда «Ак Барсты» жеңді
Құрлықтық хоккей лигасы аясында елордалық «Барыс» Қазан қаласында жергілікті «Ак Барс» хоккей клубына қарсы кездесу өткізіп, 2:1 есебімен тізе бүктірді. Қонақтар сапында Якоб Лилья мен Аркадий Шестаков көзге түссе, алаң иелері қатарында Дмитрий Воронков шайба авторы атанды. «Барыс» қақпашысы Йонни Ортио ойында 35 соққы қайтарып, ойынның үздік ойыншысы атанды.
Осы жеңістен кейін Юрий Михайлис шәкірттері 34 ұпай жинап, плэй-офф аймағына жақындай түсті. Дмитрий Квартальнов шәкірттері Шығыс Конферециясындағы үшінші орнын сақтап қалды. Келесі ойынын «Барыс» 9 желтоқсан күні өз алаңында «Сочи» хоккей клубына қарсы өткізеді.
