Қазақстан - Финляндия ойыны «Qazsport» телеарнасының эфирінде
Футзалдан Нидерланд мемлекетінде Еуропа Чемпионаты жалғасуда. Бүгін В тобының ойындары Гронинген қаласында өтеді. Алдымен паркетке Италия мен Словения құрамалары кездессе, бүгінгі күнге жоспарланған екінші ойын Финдяндия және Қазақстан құрамасы арасындағы ойын. В тобында барлық команда еншісінде бір ұпайдан бар.
Қазақстан құрамасының сапында Альберт Ақбалықов бүгінгі ойынға қызыл қағаз алуына байланысты қатыса алмайды. Есесіне Арнольд Кнауб жарақат алған Леоны алмастыру мақсатында келген Ерсұлтан Сағындықов және бас бапкер Кака құрама қатарына келіп қосылды.
Финляндия құрамасы алғашқы ойында кішігірім сенсация жасады. Екі дүркін Еуропа чемпиондары Италия құрамасымен 3:3 есебімен тең түсті. Қазақстан құрамасы бүгінгі ойында жеңіске жету үшін барын салуы тиіс. Өз кезегінде Қазақстан құрамасы да турнирдегі алғашқы ойынын тең есеппен аяқтады. Словения құрамасымен болған ойында 4:4 есебі тіркелді.
Финляндия - Қазақстан ойыны бүгін түнде Нұр-Сұлтан уақытымен 01:20-да «Qazsport» телеарнасының тікелей эфирінде тамашалай аласыздар.
