Данияр Шамшаев - Азия Чемпионы

Елорда төрінде өтіп жатқан дзюдодан сары құрлық біріншілігінде Қазақстан құрамасының қоржынына алғашқы алтын жүлде түсті. 

73 келі салмақ дәрежесінде белдескен Данияр Шамшаев қарсылас шақ келтірмей, өзінің дебюттік Азия Чемпионатында жарыс жеңімпазы атанды.

Финалда өзбек спортшысы Муроджон Юлдошовты иппон әдісімен жеңіп, алтын жүлдеге қол жеткізді.

Азия Чемпионатының екінші күні сынға түскен Ерлан Серікжанов алғашқы айналымда жеңіліп, жарыс жолын аяқтаса, бұрымды аруларымыз Мөлдір Нарынова және Анастасия Маякова қола жүлде үшін таласта қарсыластарына есе жіберді.

Ертең Азия Чемпионатының үшінші жарыс күні ерлер 90, -100 және 100+ салмақта, ал әйелдер 78, +78 салмақ дәрежесінде жеңімпаз бен жүлдегерлерді анықтайды.

Азия Чемпионатының үшінші күні жарыс жолына шығатын қазақстандықтар:

Ерлер

Дидар Хамза (90 келі)

Нұрлыхан Шархан (-100 келі)

Ислам Бозбаев (-100 келі)

Әділ Оразбаев (+100 келі)

Әйелдер

Аруна Жангельдина (-78 келі)

Камила Берліқаш (+78 келі)

Назгүл Маратова (+78 келі)