Астаналық «Барыстың» жігерлі жеңісі
Құрлықтық Хоккей Лигасыгың чемпионаты аясында астаналық «Барыс» өз мұзайдынында Гагарин Кубогының күміс жүлдегері «Металлург» (Магниторск) командасын 2023 жылдың алғашқы ойынында 3:2 есебімен тізе бүктірді. Ойын барысында Андрей Скабелка шәкірттері 0:2 жеңіліп жатқан. Дегенмен жанкүйерлердің алдында намысқа тырысқан елордалық хоккейшілер үшінші кезең барысында жеңісті шайбаны соғып, ойынды өз пайдаларына шешті.
Құрлықтық Хоккей Лигасы. Тұрақты біріншілік
«Барыс» (Астана) - «Металлург» (Магнитогорск) 3:2 (0:2), (2:0), (1:0)
06:20. Павел Акользин (0:1)
08:31. Брэндэн Лейпсик (0:2)
27:45. Темірлан Гайтамиров (1:2)
39:55. Дмитрий Шевченко (2:2)
45:19. Александр Борисевич (3:2)
Осы жеңістен кейін, қазақстандық команда 45 ұпаймен Шығыс Конференциясының сегізінші орнында келеді. Андрей Скабелканың командасы ҚХЛ аясында 46 ойын өткізген. Келесі сырт алаңдағы ойындар сериясын елордалық команда Хабаровск және Владивосток қалаларында жергілікті «Амур» мен «Адмирал» клубтарына қарсы ойнайды. «Амур» командасымен алғашқы ойын 5 қаңтарға жоспарланған.
Сонымен қатар, «Барыс» шабуылшысы Алихан Әсетов ҚХЛ-да 200-ші ойынын өткізді. Алихан осы маусым барысында 37 ойынға қатысып, 3 шайбаның авторы атанды.
