Юлия Путинцева «Australian Open» жарысының екінші айналымында

Қазақстанның екінші, әлемнің 47-ші ракеткасы алғашқы айналымда румыниялық Сорана Крыстямен (#42) кездесіп, 2:6, 6:4, 6:3 есебімен ойынды өз пайдасына шешті. Юлия кортта таза есептегенде 1 сағат 53 минут уақыт болды. 

Айта кетейік, Австралияда ауа-райының бұзылуына байланысты екінші жарыс күніндегі барлық матчтар тоқтатылып, не кейінге шегерілді. Путинцева-Крыстя ойыны бірінші сет аяқталған соң тоқтатылып, кешкі сессияда қайта жалғасты. Нәтижесінде ойын қазақстандық теннисшінің пайдасына аяқталды.

Юлияның екінші айналымдағы қарсыласы чехиялық Каролина Плишкова (#31)

Екінші жарыс күнінде шыққан тағы бір қазақстандық теннисші Александр Бублик (#36) еалғашқы айналымда жеңіліп қалды. Алғашқы кездесуінде испаниялық Алехандро Давидович-Фокинаға (#32) бес сеттің (0:6, 7:6 (3), 6:3, 4:6, 6:3) қорытындысы бойынша есе жіберді.