Елена Рыбакина «Grand Slam» турнирінің жартылай финалында
Австралияның ашық біріншілігінде өнер көрсетіп жатқан Елена Рыбакина (#25) жартылай финалға жолдама алды. Ширек финалдық сында латвиялық Елена Остапенконы (#17) жеңген еліміздің бірінші ракеткасының келесі қарсыласы Беларусь теннисшісі Виктория Азаренко. (#24) Айта кетейік, Елена алғаш рет «Australian Open» турнирінің жартылай финалында ойнайды.
«Australian Open» турнирінің екі дүркін жеңімпазы (2012, 2013) өз кезгегінде, АҚШ теннисшісі Джессика Пегуланы (#3) екі сетте (6:4, 6:1) жеңген. Азаренко кортта 1 сағат 39 минут уақыт өткізді.
Рыбакина - Азаренко ойыны 26 қаңтар күні Мельбурн қаласындағы Род Лэйвер Арена спорт кешенінде кездеседі. Ойын Астана уақытымен сағат 14:30-ға жоспарланған.
