«Барыс» хоккей клубы кезекті ҚХЛ маусымын аяқтады
Елордалық «Барыс» командасы Құрлықтық хоккей лигасындағы он бесінші маусымын аяқтады. Андрей Скабелка шәкірттері соңғы ойынын «Локомотивке» қарсы өктізіп, 3:5 есебімен жеңіліп қалды. Андрей Скабелка шәкірттер ҚХЛ-ның маусымын 61 ұпаймен Шығыс Конференциясының 11-орнында аяқтады. Осылайша, елордалық команда өз тарихында үшінші рет плей-офф кезеңіне шыға алмады.
Естеріңізде болса алғаш рет «Барыс» 2015/16 жылғы маусымда Шығыс Конферециясын тоғызыншы орынмен аяқтаған болатын. Екінші мәрте 2017-18 жылы тұрақты маусымды 10-орында аяқтады.
Елордалық команданың Гагарин Кубогындағы 2013/14 және 2018/19 жылдардағы маусымда тіркелді. Ол уақытта команда Шығыс Конференциясының жартылай финалына дейін жеткен.
2014 жылы алғашқы айналымда «Автомобилист» (Екатеринбург) командасын 4:0 есебімен жеңсе, келесі кезеңде «Салават Юлаевтан» өте алмады. Екі команда арасындағы серия 4:2 есебімен Уфа қаласының клубының пайдасына аяқталған.
2019 жылы алғашқы айналымда «Торпедо» командасын жетінші ойында жеңіп, (серия 4:3) екінші айналымда Омбы қаласының «Авангард» хоккей клубына 4:1 есебімен жеңілген.
