Бокстан әйелдер арасындағы Әлем Чемпионатының сыйақылары

Халықаралық Бокс Ассоциациясы алдағы Нью-Делиде (Үндістан) өтетін әйелдер арасындағы Әлем Чемпионатының сыйақысын ресми түрде бекітті. Біріншіліктің жалпы жүлде қоры 2,4 млн долларды құрайды. 

Барлық 12 салмақ жәрежесіндегі жеңімпаздар мен жүлдегерлерге берілетін сыйақы мөлшері:

Чемпион - 100 мың АҚШ доллары

Күміс жүлдегер - 50 мың АҚШ доллары

Қола жүлдегер - 25 мың АҚШ доллары

Үндістанда өтетін Әлем Чемпионаты Нью-Дели қаласындағы 6000 орындық  KD Jadhav жабық кешенінде 15-31 наурыз аралығына жоспарланған.

Бұрымдылар арасындағы Әлем Чемпионатына еліміздің құрамасы да қатысады.

Осыған дейін бірнеше мемлекеттің өкілдері ерлер және әйелдер арасындағы Чемпионатқа Ресей және Беларусь елдерінің спортшылары қатысатыны үшін бойкот жариялаған болатын. Олардың арасында: Ұлыбритания, АҚШ, Чехия, Польша, Ирландия, Канада, Швеция, Германия, Норвегия және Швейцария елдерінің құрамалары бар.

Ерлер арасындағы Әлем Чемпионаты 1-14 мамыр аралығында Ташкентте (Өзбекстан) өтеді.