Қазақстан құрамасы ӘЧ іріктеу турнирінің элиталық кезеңінде ойнайды

Рикардо Кака бастаған Қазақстан құрамасы негізгі іріктеу кезеңінің соңғы ойынында Словениямен тең түсіп, топтан бірінші орынмен келесі айналымға жолдама алды.

Марибор қаласында өткен ойын 3:3 есебімен аяқталды. Қазақстан құрамасынан Альберт Ақбалықов, Дәурен Тұрсағұлов және Тайнан көзге түссе, алаң иелерінен Жиго Чех, Игор Осредкар және Тео Турк мергендік танытты.

Қазақстан құрамасы 10 ұпаймен өз тобын бірінші орынмен аяқтады. Бұған дейін біздің жігіттер Словенияны 2:0, Черногория құрамасын 5:1 және 7:0 есептерімен жеңген болатын.

Элиталық кезеңнің жеребе тарту рәсімі 5 шілде күні өтеді.

Словения – Қазақстан – 3:3 (1:3)

Голдар:

5 мин. Альберт Ақбалықов (0:1)

9 мин. Жиго Чех (1:1)

15 мин. Дәурен Тұрсағұлов (1:2)

19 мин. Тайнан (1:3)

25 мин. Игор Осредкар (2:3) 

26 мин. Тео Турк (3:3)

Элиталық кезеңнің жеребе тарту рәсімі 5-шілде күні өтеді. Дәл қазір элиталық кезеңге жолдама алған: Испания, Грузия, Армения, Португалия, Қазақстан, Польша, Хорватия, Румыния, Франция, Италия, Украина, Словакия.