Бокстан Әлем Чемпионатына қатысатын Қазақстан құрамасы белгілі болды

Ташкентте өтетін бокстан әлем чемпионатында өнер көрсететін Қазақстан ерлер құрамасының құрамы анықталды. Қазір ұлттық құрама боксшылары Шымкент қаласындағы «Алма-Тау» базасында соңғы оқу-жаттығу жиынын өткізіп жатыр.   

Бас бапкер Мырзағали Айтжанов әлем чемпионатына қатысатын боксшылардың есімін атағаннан кейін, ақсақалдар «батасын» беріп, Қазақстан бокс федерациясының басшылығы өз тарапынан бағыт-бағдар мен нұсқауларын жасады. 

Өзбекстан астанасында ел намысын қорғайтын боксшылар: 

48 кг: Санжар Тәшкенбай

51 кг: Сәкен Бибосынов 

54 кг: Махмұд Сабырхан

57 кг: Серік Теміржанов

60 кг: Талғат Сырымбетов 

63,5 кг: Санатәлі Төлтаев 

67 кг: Дулат Бекбауов 

71 кг: Асланбек Шымбергенов

75 кг: Нұрқанат Райыс

80 кг: Нұрбек Оралбай

86 кг: Сағындық Тоғамбай

92 кг: Айбек Оралбай

+ 92 кг: Қамшыбек Қонқабаев 

«Бұл әлем чемпионатына баратын үміткерлерді біз ұзақ уақыт әрі тиянақты іріктедік. Жыл басынан бері бірнеше оқу-жаттығу жиынын өткіздік, жігіттерді түрлі жарыстарға апардық. Әр боксшыға қатысты сараптама жасадық, сондықтан, әрқайсысының шамасын білеміз. Әлем чемпионатына бірінші рет қатысатын 3 былғары қолғап шеберіміз бар. Олар жас болса да, тәжірибесі толысқан, бокс әлемінде алар орындары бар. Халықаралық аренада намысты қолдан бермейді деген сенімдемін», - деді Мырзағали Айтжанов.

«Бапкерлік құрам боксшыларды әлем чемпионатына жақсылап дайындап апара жатыр. Дұрыс таңдау жасады деп ойлаймын. Өз кезегінде ҚР Мәдениет және спорт министрлігі, Кеңес Рақышев басқаратын Қазақстан бокс федерациясы тарапынан барлық жағдай жасалды. Боксшылар мен бапкерлер олардың өнерін бүкіл Қазақстан тамашалайтынын біледі, сондықтан жауапкершілікті түсінеді. Құрамамызға сәттілік тілейміз», - деп атап өтті Қазақстан бокс федерациясының атқарушы директоры Маратбек Мықтыбеков.

Естеріңізге сала кетсек, Белградта өткен соңғы әлем чемпионатында Қазақстан құрамасы 5 медаль (2 алтын, 2 күміс, 1 қола) иеленген болатын. Сербия астанасындағы жаһан біріншілігінің 3 бірдей финалисі (әлем чемпионы Сәкен Бибосынов, күміс жүлдегерлер – Махмұд Сабырхан мен Серік Темиржанов) Ташкент шаршы алаңында өнер көрсетеді.    

«Ташкенттегі әлем чемпионатына тиянақты дайындалуға мүмкіндік болғаны үшін алғыс айтамын. Бір жұдырық болып жұмылып жұмыс істесек, алынбайтын қамал жоқ. Құрамадағы жігіттер бір-бірін әрқашан қолдап жүреді. Ал мен әлем чемпионы деген атағымды қорғап қалуға барымды саламын. Мақсатым – екі дүркін әлем чемпионы атану», - деп атап өтті Сәкен Бибосынов.

Әлем чемпионаты 1-14 мамыр аралығында өтеді.  

Ұйымдатырушылар біріншілікке 104 елден 600 аса былғары қолғап шебері қатысады деп отыр. Жеңімпаздар мен жүлдегерлер 13 салмақ дәрежесі бойынша анықталады. 

Халықаралық бокс қауымдастығы (IBA) алтын медаль иегеріне 200 000 АҚШ долларын, екінші орын алған боксшыға 100 000 және екі қола жүлдегердің әрқайсысына 50 000 АҚШ долларынан береді. Чемпионаттың жалпы жүлде қоры 5,2 млн. АҚШ долларын құрайды. 

Боксшылар додасының тікелей трансляциялары «Qazaqstan» және «Qazsport» телеарналарының эфирінен көрсетіледі.

Танымал жаңалықтар

Соңғы жаңалықтар

Шайбалы хоккейден Қазақстан ерлер құрамасы Азия ойындарының чемпионы
Хоккей: Қазақстан әйелдер құрамасы Азия ойындарының күміс жүлдегері
Хоккей: Қазақстан әйелдер құрамасы Оңтүстік Кореядан басым түсті
Азиада-2025: Кёрлингтен Қазақстан әйелдер құрамасы қола медаль үшін таласады
Михаил Шайдоров Азия ойындарының қола жүлдегері.
Хоккей: Қазақстан әйелдер құрамасы жеңіске жетті
Азиада-2025: Биатлоннан Қазақстан ерлер құрамасы күміс медальға ие болды
Азиада-2025: Хоккейден Қазақстан ерлер құрамасы финалға шықты
Харбин-2025: Қазақстандық биатлоншы қыздар қола медальға ие болды
Азиада-2025: Кёрлингтен Қазақстан әйелдер құрамасы жартылай финалға шықты
Азиада-2025: Қазақстандық шаңғышылар қола медальге ие болды
Азиада-2025: Қазақстандық шаңғышы қыздар күміс медальге ие болды
Хоккей: Қазақстан әйелдер құрамасы Жапонияға есе жіберді
Қазақстандық Велошабандозшылар алтын мен күміс медаль жеңіп алды
Азиада-2025: Қазақстандық хоккейшілер жартылай финалға шықты
Марат Омаров УЕФА президенті Александер Чеферинмен кездесті
Вадим Куралес Азия ойындарының күміс жүлдегері
Қазақстан қоржынында үшінші алтын
Қазақстандық фристайлшылар алтынға қол жеткізді
Қазақстандық фристайлшылар қолаға қол жеткізді