Қазақстан Ташкенттегі әлем чемпионатында бес жүлдеге қол жеткізді

Өзбекстан астанасы Ташкентте əлем чемпионатының жартылай финалына шыққан барлық боксшы белгілі болды.

Бүгін ел намысын Санжар Ташкенбай, Махмұд Сабырхан, Серік Теміржанов, Дулат Бекбауов, Асланбек Шымбергенов, Нұрбек Оралбай мен Қамшыбек Қоңқабаев қорғады.

Күндізгі сессияда рингке шыққан капитан АсланбекШымбергенов (71 кг) тартысты айқаста франциялық МаканоТраорені жеңіп, Ұлттық құрамаға алғашқы жүлдені алып келді. Асланбек жартылай финалда үндістандық Дев Нишатпен жолығады.

Хумо-Аренаның» төрінде əлем чемпионатында жарқын өнер көрсетіп жүрген Нұрбек Оралбай жартылай финалға жолдама алды. Отандасымыз (80 кг) иорданиялық Хуссейн Эйшаишты ұтып (5-0), Аммандағы Азия чемпионатында кеткен есесін қайтарды. Келесі қарсылас ресейлік Имам Хатаев.

Кешкі сессияда Ұлттық құрамадағы еңжас, боксшы Санжар Ташкенбай, ересектер арасындағы əлем чемпионатында алғашқы жүлдесіне қол жеткізді. Отандасымыз (48 кг) ширек финалда жапониялық КазумаАротакиге мүмкіндік берген жоқ. Тіпті, қарсылас алғашқы раунд барысында нокдаунға түсті. Санжар келесі кезеңде ресейлік Эдмонд Худоянмен жұдырықтасады.

Ұлттық құрамадағы дарынды боксшылардың бірі Махмұд Сабырхан бəсекені жартылай финалда жалғастырады. Өткен (2021) Әлем Чемпионатының күміс жүлдегері ганалық МұхаммедАмадуды жеңді. Отандасымыз финал жолдамасын кубалық Вието Сото Иосванимен сарапқа салады.

Ташкентте көпке беймəлім боксшының бірі Дулат Бекбауов əлем чемпионатындағы алғашқы жүлдесін жеңіп алды. Мексикалық Мигель Анхель Мартинеспен жекпе-жекте төрешілер отандасымыздың қолын көтерді. Ендігі қарсыласы грузиялық ГурулиЛаша.

Əлем чемпионатының 10-күні жүлдеге сынық сүйем қалғанда Серік Теміржанов (57 кг) пен Қамшыбек Қоңқабаев (+92 кг) тоқтады.

Ташкенттегі бəсекенің жартылай финалы 12 мамырда өтеді. Ал финалдық жекпе-жектер 13-14 мамырға жоспарланған.

Әлем чемпионы атанған боксшы Халықаралық бокс қауымдастығы (IBA) атынан 200 000 АҚШ долларын, күміс жүлдегерлер 100 000 мың, қола жүлдегерлердің әрқайсысы 50 000 мың АҚШ долларына ие болады. Чемпионаттың жалпы жүлде қоры 5,2 млн АҚШ доллары.

Жартылай финалдық және финалдық бәсекелерді «Qazaqstan» және «Qazsport» телеарнасының тікелей эфирінен көруге болады.


Танымал жаңалықтар

Соңғы жаңалықтар

Давид Лория Қфф бас хатшысы болып тағайындалды
Шайбалы хоккей: Қазақстан әйелдер құрамасы Әлем чемпионатының ІВ дивизионында бақ сынайды
Михаил Шайдоров 2026 жылғы Олимпиадаға жолдама жеңіп алды
Зейнолла Ыдырысов Германиядағы турнирде жеңіске жетті
Дмитрий Попко Мексикадағы турнирде топ жарды
Болат Сақаев күміс жүлдегер атанды
Нұрқожа Қайпанов үш дүркін Азия чемпионы атанды
Михаил Шайдоров Әлем чемпионатының күміс жүлдегері
Ризабек Айтмұхан күміс жүлдеге ие болды
Рахат Қалжан Азия чемпионатында еркін күрестен қола медальға ие болды
Софья Самоделкина қысқы Олимпиада ойындарының лицензиясына ие болды
Жәмилә Бақбергенова Азия чемпионатында алтын жүлдегер атанды
Зейнеп Баянова Азия чемпионатында қола жүлдегер атанды
Евгений Кошкин конькимен жүгіруден 100 метр қашықтықта Әлемдік рекорд орнатты
ЮНЕСКО Хатшылығына тоғызқұмалақ ойынының тақтасы табысталды
Ербол Мырзабосынов Халықаралық ауыр атлетика федерациясының басшысымен кездесті
Легионерлерді бюджеттен қаржыландыру тоқтайды
Омар Сатаев Азия чемпионатында күміс жүлдегер атанды
Қазақстан құрамасы жеңіске жетті
Әлімхан Сыздықов грек-рим күресінен Азия чемпионатының күміс жүлдегері атанды