Әлем Чемпионатының іріктеу кезеңіне қатысатын Қазақстан құрамасы

Футзалдан Қазақстан құрамасының бас бапкері Рикардо Кака 2024 жылғы Әлем Чемпионатының іріктеу кезеңіне арналған құрамды жариялады. Ұлттық құрама тізіміне 16 ойыншы кірді. 

Футзалдан еліміздің басты құрамасы дәл қазір Алматы қаласында оқу-жаттығу жиындарын өткізіп жатыр. Кака шәкірттері 15 қыркүйек күні Нидерландпен кездессе, 20 қыркүйекте Румыниямен ойнайды. 

Қазақстан құрамасына шақыртылған ойыншылар:

Қақпашылар: Игита, Нарун Серіков (екеуі де – «Қайрат»), Нұралем Байдулла («Атырау»);

Алаңдағы ойыншылар: Дуглас, Эдсон, Біржан Оразов, Дәурен Тұрсағұлов, Альберт Ақбалықов, Жахангир Рашит (барлығы – «Қайрат»), Тайнан («Спортинг», Португалия), Азат Валиуллин, Расул Әбдуманапұлы (екеуі де – «Аят»), Шыңғыс Есенаманов, Райымбек Жұма, Жомарт Тоқаев (барлығы – «Семей»), Арнольд Кнауб («Жетісу»)

Бапкерлер штабы: Рикардо Кака – бас бапкер, Дәурен Нұрғожин – бас бапкердің көмекшісі, Григорий Шамро – қақпашылард жаттықтырушысы, Вендел Луиз – дене даярлығы жаттықтырушысы, Ахматхон Искандаров – дәрігер, Ойбек Пулатов – массажист, Қуаныш Ізбасаров – менеджер, Рахат Әкімқұл – әкімші.