Қазақстандық ескек есушілер ХІХ жазғы Азия ойындарының финалына жолдама алды

Бүгін Ханчжоудағы ХІХ жазғы Азия ойындарында академиялық ескек есуден іріктеу сайыстары басталды. Академиялық ескек есуден Ханчжоудағы құрлықтық додада ел намысын жалпы 9 спортшы қорғап, олар жекелей бәсекеде, ерлер және әйелдер арасындағы жұптық сында, сонымен қатар төрттік жарыста сайысқа түсіп жатыр.

20 қыркүйек күні қазақстандық ескек есушілердің барлығы жарыс жолына шығып, іріктеудің алғашқы кезеңін өткізді. Ханчжоудағы бәсекеде қазақстандық ескек есушілер арасынан алғаш болып жарыс жолына Александр Афанасьев – Анастас Шашков жұбы шықты. Жеңіл салмақтағы ерлердің жұптық бәсекесінде бақ сынаған отандастарымыз 1000 метрді 6 минут 29.82 секундта жүзіп, мәреге үшінші болып келді. Олар ертең шешуші кезеңге өту үшін тағы бір мәрте бақтарын сынап көреді.

Ал әйелдер арасындағы жұптық сында Қазақстан атынан Светлана Германович пен Мария Чернец өнер көрсетіп жатыр. Жазғы Азия ойындарының іріктеуінде Германович – Чернец жұбы екі мың метр қашықтықты 7 минут 18.36 секундта жүзіп, бірден финалға жолдама ала алған жоқ. Светлана мен Мария да ертең финал жолдамасы үшін таласады.


Академиялық ескек есуден жекелей сында Владислав Яковлев Қазақстан намысын қорғауда. Жарыстың алғашқы күнінде екі мың метрді 7 минут 10.41 секундта жүзіп өткен Яковлев мәреге екінші болып келіп, жартылай финалға жолдама алды. Бұл сында Азиаданың финалистері 22 қыркүйек күні белгілі болады.

Сонымен қатар, бүгін іріктеу сайыстарында бақ сынаған Қазақстан әйелдер құрамасы мен ерлердің жұптық бәсекесінде өнер көрсеткен Ярослав Мельников пен Тимур Фомичев финалға жолдама алды.

Төрттік жарыста Анжела Полянина, Мелани Жакупова, Мария Чернец пен Светлана Германович ел намысын қорғап, аруларымыз екі мың метр қашықтықты 7 минут 3.37 секундта жүзіп, мәре сызығын төртінші болып кесті. Ал ерлер арасындағы жұптық сында Ярослав Мельников пен Тимур Фомичев те мәреге төртінші болып келді. Олардың уақыт көрсеткіші – 6 минут 54.07 секунд. Осылайша, қазақстандық ескекшілер ХІХ жазғы Азия ойындарының финалында өнер көрсетуге мүмкіндік алды.

Академиялық ескек есуден жазғы Азиададағы ерлердің жұптық бәсекесі финалы 24 қыркүйек, ал төрттік жарыстың шешуші сыны 25 қыркүйек өтеді деп жоспарланған.


Танымал жаңалықтар

Соңғы жаңалықтар

«Жетісу» Азия чемпиондар лигасының жартылай финалына шықты
«Жетісу» волейбол клубы Азия чемпиондар лигасының ширек финалына шықты
Мөлдір Жаңбырбай каратеден Мысырдағы турнирде топ жарды
«Қазақстан» телерадиокорпорациясы Дүниежүзілік этноспорт конфедерациясының жүлдесіне ие болды
Ресейдегі турнирде қазақстандық боксшылар 11 медаль жеңіп алды
Садриддин Ахмедов мексикалық боксшымен тең түсті
Милад Карими спорттық гимнастикадан Әлем кубогының кезеңінде алтын медаль жеңіп алды
Нариман Курбанов әлем кубогында қола жүлдеге ие болды
Қазақстандық спортшылар Әлем кубогында топ жарды
Дзюдодан Азия чемпионатына қатысатын спортшылар тізімі белгілі болды
«Qazsport» телеарнасының YouTube арнасындағы жазылушылар саны 1 миллионға жетті
Айдарбек Қожаназаров Көкпар федерациясының президенті болып сайланды
Михаил Шайдоровқа пәтердің кілті мен ақшалай сыйлық табысталды
«Арлан» қатарынан екінші рет Қазақстан чемпионы атанды
Қазақстан ерлер құрамасы тоғыз медаль жеңіп алды
Әлем және Қазақстан футболының аңыздары Астанада кездеседі
Бокстан Әлем чемпионы Аида Әбікееваға көлік сыйлады
Милич Чурчич «Қызылжар» футбол клубының жаңа бас бапкері
Алан Құрманғалиев Францияда өткен халықаралық турнирде алтын медаль жеңіп алды
Хоккейден Қазақстан әйелдер құрамасы Латвияға есе жіберді