Александр Бублик АТР 250 турнирінің жеңімпазы болды
Монпелье қаласында өткен турнирдің финалында қазақстандық теннисші хорватиялық Борна Чоричпен жолығып, 2 сағат 20 минутқа созылған тартысты ойында 5:7, 6:2, 6:3 есебімен жеңді. Бұл Александрдың спорттық мансабындағы төртінші жүлде. Сонымен қатар Бублик Монпенльедегі турнирдің 2022 жылғы жеңімпазы.
Жарысты екінші айналымнан бастаған теннисші турнирдегі алғашқы кездесуінде Денис Шаповаловты, ширек финалда жақында ғана еліміздің азаматтығын алған Александр Шевченконы, 1/2 финалда тағы бір канадалық Феликс Оже-Альяссимді үш сетте жеңді.
Дәл қазір Александр 1699 ұпаймен әлемдік рейтингте 23-орынға көтерілді. Бұл қазақстандық теннисшінің мансабынадғы ең жоғары көрсеткіш.
