Қазақстан құрамасы Challenge Cup - 2024 турнирінің ширек финалына шықты

Волейболдан ерлер арасында Бахрейн жерінде өтіп жатқан Challenge Cup - 2024 турнирінде топтық кезеңнің қорытындысы бойынша Қазақстан құрамасы Таиландты жеңіп, ширек финалға шықты. Ұлттық құрама жігіттері алғашқы ойында Пәкістан волейболшыларына 0:3 есебімен жеңілген еді. Сондықтан Таиландпен өткен ойында біздің волейболшыларға жеңіс ауадай қажет еді. Тартысты өткен ойында Қазақстан волейболшылары 3:2 (25:21, 22:25, 25:23, 19:25, 15:13) есебімен жеңіске жетіп, өз тобында екінші орын алды.

Айта кетейік, Қазақстан В тобында: Пәкістан және Таиланда құрамларымен бір топта ойнады. Турнирге қатысып жатқан 12 команда төрт топқа үштен бөлінген. Ширек финалға әр топтан үздік шыққан екі команда шығады. Ұлттық құраманың келесі қарсыласы Аустралия құрамасы. Олар D тобында ойнап, Вьетнам мен Тайвань құрамаларын жеңді. Аустралия волейболшыларына қарсы өтетін ойынд ертең 15:55-те «Qazsport» телеарнасының тікелей эфирінен тамашалай аласыздар.