EURO 2024: Португалия құрамасы 1/8 финалға шықты
Футболдан Еуропа чемпионатында плей-офф кезеңіне жолдама алған тағы бір команда белгілі болды. Ала доп бәсекесінің тоғызыншы жарыс күнінде Грузия - Чехия, Түркия - Португалия және Бельгия - Румыния командалары арасында матч өтті.
Жарыс күнінің алғашқы ойыны Грузия мен Чехия құрамалары арасында өтіп, командалар тең тарқасты - 1:1. Грузия құрамасы Еуропа чемпионаты тарихындағы алғашқы ұпайын еншіледі.
Келесі матча Түркия мен Португалия құрамалары кездесті. Португалия құрамасының ойыншысы Бернарду Силва кездесудің 21-минутында есеп ашса, арада 7 минут өткенде Акайдын Самет өз қақпасына гол соқты. Ойынның екінші жартысында Бруну Фернандеш есепті 3:0-ге жеткізіп, Португалия сенімді жеңіске қол жеткізді және 1/8 финалға шықты.
Тоғызыншы жарыс күні Бельгия мен Румыния командалары арасындағы ойынмен қорытындыланды. Матч есебі ойынның екінші минутында-ақ ашылып, Юри Тилеманс командасын алға шығарды. Екінші таймда Кевин де Брюйне командасының ойындағы екінші голын соқты. Бельгияның биылғы Еуропа чемпионатындағы алғашқы жеңісі. Енді «Е» тобындағы жағдай шиеленісе түсті. Өйткені, шешуші тур алдында топтағы командалардың бәрінде үш ұпайдан бар.
