Аргентина Copa America турнирінің жартылай финалына шықты
![](https://i.qazsporttv.kz/2024/7/5/1720179623335.jpg?w=730&h=431&format=jpg&resize=aspectfill&g=center)
АҚШ жерінде өтіп жатқан Copa America турнирінің алғашқы 1/4 финалдық ойынында Аргентина – Эквадор құрамалары кездесіп, командалар негізгі уақытта 1:1 есебімен тең ойнады. Аргентина құрамасының сапында Лисандро Мартинес гол соқса, Эквадор сапында Кевин Родригес мергендігімен көзге түсті.
Ойын соңындағы пенальти сериясында 4:2 есебімен Лионель Скалони шәкірттері басым түсті. Алғашқы соққыны Лионель Месси орындап, 11 метрден мүлт кетті.
Аргентина жартылай финалда Канада – Венесуэла арасындағы ойынның жеңімпазымен кездеседі.
2024 жылғы Copa America турнирі 15 шілдеге дейін жалғасады. Жарыстың қазіргі жеңімпазы Аргентина құрамасы 2021 жылы финалда Бразилияны жеңген. Сонымен бірге Аргентина Уругвай құрамасымен бір қатарда жарыстың 15 дүркін жеңімпазы.