Испания құрамасы Еуропа Чемпионатының жартылай финалына жолдама алды
Луис Дэ Ла Фуэнте шәкірттері алғашқы ширек финалдық ойында Германия құрамасын жеңіп, қатарынан екінші рет Еуропа Чемпионатының жартылай финалында ойнайды.
Германиямен өткен ойынның негізгі уақыты 1:1 есебімен аяқталды. Ойынның 51-минутында Дани Ольмо есеп ашып, 89-минутта Флориан Виртц есепті теңестірді. Қосымша уақыттың 119-минутында Микель Мерино жеңіс голын соғып, Испания соңғы бес Еуропа Чемпионатының төртеуінде жартылай финалға жолдама алды.
16 жастағы Ламин Ямаль Еуропа біріншілігінің үздік пас беруші ойыншысы атанды. Ол Хави Симонспен бірге үш нәтижелі пас берген ойыншының қатарында.
Осылайша Германия Еуропа Чемпионатын 1/4 финалдық кезеңнен аяқталды. Сонымен қатар, Тони Кроос спорттық мансабындағы соңғы ойынын өткізді.
