«Барыстың» ойындарын «Kazsport» телеарнасынан тікелей эфирде тамашалаңыздар

Қазақстандық «Барыс» хоккей клубы Еуразиядағы дәстүрлі халықаралық ашық хоккей лигасында өнер көрсетуде. Қазіргі уақытта команда «Шығыс» конференциясының 10-шы орнында орналасқан және плей-офф кезеңіне шығуға белсенділік танытуда. Жеңіс мүмкіндігіне қол жеткізу үшін команда қоржынына 5 ұпай жетіспейді. Қажетті ұпайларды елордалық клуб келесі аптада өз айдынында өтетін Құрлықтық хоккей лигасындағы 3 кездесуінде алуына болады. Осы кездесулерді «Kazsport» телеарнасы тікелей эфирде көрсетеді.

Осыған орай, осы ойындардың күнтізбелік кестесін назарыңызға ұсынамыз:

7 қараша Барыс - Медвешчак (Хорватия) 19:20

10 қараша Барыс - Слован (Словакия) 19:20

13 қараша Барыс – Автомобилист (Ресей)  16:50

Естеріңізге сала кетсек, Құрлықтық лиганың 2016/2017 маусымында 27 қаладан келген 29 команда өзара мықтыны анықтауда. Олардың ішінде Ресей, Беларусь, Қазақстан, Қытай, Латвия, Словакия, Хорватия, Финляндия хоккей клубтары бар. Лиганың басты олжасы - Гагарин кубогы.

Қолдау көрсетейік!