Зульфия Забирова: «Астана» әйелдер велокомандасы құрылуы мүмкін
Велоспорттан Олимпиада чемпионы Зульфия Забирова «Астана» велокомандасының кәсіби әйелдер құрамасын жасақтау жоспары бар екенін мәлімдеді.
«Бұл жобаны менің есіміммен байланыстырып отырғанын білемін, бірақ әзірге команда құрылған жоқ. «Астана» әйелдер велокомандасын құру ұлтаралық жоба болмақ. Қазақстандық велошабандоздар өздерін көрсетуге мүмкіндік алмақ», деді Зульфия Забирова.
Өкінішке қарай, қазіргі уақытта әйелдер велоспорты ерлерге қарағанда аса танымал емес. Түсірілім жұмыстары мен қаржылық қолдау да аз. Олар Халықаралық велошабандоздар одағына (UCI) жаңа басшы болып тағайындалған Брайан Куксоннан үміт күтеді. Енді бұл ауыс-түйіс кәсіпқой әйелдер велоспортын жаңа деңгейге шығармақ.
Айта кетейік, Ресей азаматы болған Зульфия Забирова 1996 жылы Атланта Олимпиадасының чемпионы атанды. 2005 жылдан бастап Қазақстанның азаматтығын қабылдап, 2006 жылы Дохада өткен Азия Ойындарында күміс жүлдені еншіледі.
rsport.ru
