Паоло Слонго присоединяется к тренерскому штабу «Астаны»
Тур де Франс додасының келесі маусымына дайындық жүргізіп жатқан «Астана» велошабандозы Винченцо Нибали бұрынғы бапкері Паоло Слонгомен бірге қызмет істейтін болды.
«Астана» жетекшілігі «Cannondale» (бұрынғы атауы - «Liquigas») велокомандасына да бес жыл аянбай тер төккен италиялық маманды өз қатарына шақырды.
«Тур де Франс жеңісі үшін жұмыс жасау маған ұнайды. Сол себепті команда ауыстырдым», - деп мәлімдеді Паоло Слонго.
Слонго 2012 жылғы Тур де Франс додасында Нибалидің үшінші орын алуына көмектесті.
«Астана» велокомандасы 2014 жылы Тур де Франс көпкүндігінде жеңіске жетуді көздеп отыр. Бұл мақсатқа қол жеткізу үшін команданың бас менеджері Александр Винокуров пен менеджері Джузеппе Мартинелли Слонгоны шақырды.
Паоло Слонго «Cannondale»-ге дейін Италияның әйелдер және жастар құрамасын жаттықтырды. Кейін «Cannondale» командасынан үздік топ жасақтап шығарды. Олардың арасынан Винценцо Нибали және Петер Саган сынды дарынды велошабандоздар шықты.
