Универсиада жоғары ұйымдастырушылық деңгейде өтуі керек - Бақытжан Сағынтаев
ҚР Премьер-Министрі Бақытжан Сағынтаев Алматы әкімдігіне, Мәдениет және спорт министрлігіне Универсиаданың барлық ұйымдастырушылық кезеңдері бойынша және еліміздің құрама командасын дайындау бойынша сәйкес жұмыс жүргізуді тапсырды.
Бақытжан Сағынтаев Универсиада жоғары ұйымдастырушылық деңгейде өтуі керектігін, себебі мұндай жарыстар спортсүйер қауымды көптеп тартатынын атап өтті.
Сондай-ақ, Премьер-Министр облыстар, Астана және Алматы әкімдеріне Дүниежүзілік Универсиада Алауы эстафетасының өңірлік кезеңдерін өткізуді айрықша бақылауға алуды тапсырды.
Еске салар болсақ, 2017 жылғы Алматыдағы Универсиада 2017 жылғы 29 қаңтар мен 8 ақпан аралығында өтеді. Қысқы Универсиада сайыстарына 50-ден астам елден 2 мың спортшы қатысады. Сайыстар 12 спорт түрі бойынша өткізіледі.
