Мемлекет басшысы Нұрсұлтан Назарбаев XXVIII Дүниежүзілік Қысқы Универсиада ойындарының ашылу рәсіміне қатысуда
Алматыда 12 000 орындық «Алматы арена» кешенінде XXVIII Дүниежүзілік Қысқы Универсиада ойындарының салтанатты ашылу рәсімі өтіп жатыр.
Шараға Қазақстан Президенті Нұрсұлтан Назарбаев қатысуда. Сондай-ақ, Халықаралық студенттер федерациясының президенті Олег Матыцин және бірқатар мәртебелі меймандар бар.
Ұйымдастырушылардың айтуынша, ашылу салтанатының тұжырымдамасы «Болашағымыз салауатты жастардың қолында» деген идеяға негізделген. Ойындардың ашылу рәсімі «Кіріспе», «Жастар-Өмір-Еркіндік», «Энергия: Жер-Су-Жел-От» және «Болашақ» деп аталатын 4 негізгі бөліктен тұрады. Көрсетілетін театрландырылған қойылымның басты тақырыбы Қазақстанның Ұлы дала дәуірінен қазіргі заманға дейінгі тарихына сондай-ақ, елдің болашақ жоспарларына арналады.
