Универсиада - 2017. Шорт-тректен Қазақстанның ерлер және әйелдер құрамасы финалға шықты

Алматы өтіп жатқан 28-ші Қысқы Универсиада-2017 ойындарында Қазақстанның шорт-тректен ерлер және әйелдер құрамасы финалға шықты, - деп хабарлайды Vesti.kz.

5000 метр қашықтықта ерлер арасындағы жарыста Қазақстан құрамасы өз тобында бірінші орын алды. Қазақстан құрамасының сапында Абзал Әжіғалиев, Айдар Бекжанов, Денис Никиша, Нұртілек Қажығалиев және Нұрберген Жұмағазиев өнер көрсетті. Сонымен қатар, іріктеу кезеңінен финалға Ресей, Қытай және Корея құрамалары шықты.

3000 метр қашықтықта әйелдер арасындағы жарыста Қазақстан құрамасы өз тобында екінші орын алды. Қазақстан құрамасының сапында Ким Йонг А, Анастасия Крестова, Анита Нагай, Ольга Тихонова және Мадина Жанбосыновалар бар. Сонымен қатар, іріктеу кезеңіннен финалға Жапония, Қытай және Корея құрамалары шықты. 

7 ақпан күні  өтетін финалды «Kazsport»  телеарнасы тікелей эфирде көрсетеді. Трансляцияның басталуы 17:55-те.