«Әлем Барысы» чемпионатын «QAZAQSTAN» және «QAZSPORT» телеарналары тікелей эфирде көрсетеді

2 желтоқсан күні Алматыдағы Балуан Шолақ атындағы спорт сарайында қазақ күресінен «Әлем Барысы» түйе балуандар арасындағы әлем чемпионаты өтеді. Тұңғыш Президент күніне орай ұйымдастырылып отырған беделді бәсекеге 29 елдің балуаны қатысады. Қазақстан намысын  бес балуан қорғамақ.


19 қарашадан бастап қазақ күресінен Қазақстан Ұлттық құрамасы Алматы облысында оқу-жаттығу жиынын өткізіп келеді. Жиын нәтижесі бойынша бас жаттықтырушы Ерлан Естек бастаған бапкерлік кеңес «Әлем Барысында» Қазақ елі атынан шығатын балуандарды іріктеді. Олар: төрт дүркін әлем чемпионы және «Қазақстан Барысы» жеңімпазы Айбек Нұғымаров, жас та болса болашағынан зор үміт күттіретін Айбат Сейтен және Ерсұлтан Мұзаппаров, биылғы Қазақстан чемпиондары Руслан Әбдіразақов және Нұрдәулет Жарылғапов.   


2014 жылы xалықаралық турнир ретінде тұсауы кесілген «Әлем Барысы» бүгінде қазақ күресінен абсолютті әлем чемпионаты деңгейіне өсті. Былтыр Астанадағы «Барыс Аренада» Айбек Нұғымаров «Әлем Барысы» атанса, қазақ балуанына ақтық белдесуде лайықты қарсылас бола алған грузин спортшысы Гурам Тушишвили еді. Ал, үшінші орынға Ержан Шынкеев жайғасқан болатын.


Биылғы біріншіліктің жалпы жүлде қоры 20 миллион теңгені құрайды. Оның ішінде 10 миллионы жеңімпазға тиесілі. 6 миллион екінші, 3 миллион теңге үшінші орын иегеріне табысталады. Дәстүр бойынша, алтын, күміс және қола белбеулер де қарастырылған. Сонымен қатар, биыл алғаш рет «Жеңіске деген талпынысы үшін» номинациясы бойынша 1 миллион теңге сыйақы да бар. Жанкүйерлер де жүлдесіз қалмайды. Көрермендер арасында Renault Logan автокөлігі ойнатылады.


Әлемнің түкпір-түкпірінен қатысушылар Алматыға келе бастады. Олардың арасында дзюдодан биылғы әлем чемпионы Гурам Тушишвили (Грузия), қазақ күресінен әлем чемпионы Мухсин Хисомиддинов (Өзбекстан), моңғол ұлттық күресінің мемлекеттің «Лашын» атағының иегері Серік Бердімұрат және тағы басқа нәтижелі спортшылар бар.


Тағы бір айта кететін жайт, алдағы чемпионатқа қатысатын елдердің барлығы бұған дейін қазақ күресінің сайыстарына қатысып жүр, тек Норвегия елі алғаш рет ұлттық күресімізде бақ сынамақ.


Еске сала кетейік, «Әлем Барысы» чемпионатын «QAZAQSTAN» және «QAZSPORT» телеарналары  2 желтоқсан күні сағат 12:45-те тікелей эфирде көрсетеді.

Танымал жаңалықтар

Соңғы жаңалықтар

  • Жаңалықтар
«QAZSPORT» телеарнасы күрес түрлерінен Азиялық іріктеу турнирін тікелей эфирде көрсетеді
  • Жаңалықтар
«Qazsport» және «Qazaqstan» телеарналары УЕФА Чемпиондар Лигасы мен Еуропа Лигасының 1/4 финалының матчтарын тікелей эфирде көрсетеді.
  • Жаңалықтар
«QAZSPORT» телеарнасы дзюдодан Grand Slam халықаралық турнирін тікелей эфирде көрсетеді
«QAZSPORT» телеарнасы дзюдодан Grand Slam халықаралық турнирін тікелей эфирде көрсетеді
  • Жаңалықтар
«QAZSPORT» және «Qazaqstan» телеарналары футболдан 2022 жылғы әлем чемпионатының іріктеу матчтарын тікелей эфирде көрсетеді.
  • Жаңалықтар
БАС БАПКЕР ҰЛТТЫҚ ҚҰРАМА ОЙЫНШЫЛАРЫНЫҢ ТІЗІМІН ЖАРИЯЛАДЫ
  • Жаңалықтар
«QAZSPORT» телеарнасы 20 наурызда Мәскеуде өтетін кәсіпқой бокс кешін тікелей эфирде көрсетеді.
  • Жаңалықтар
«QAZSPORT» және «Qazaqstan» телеарналары УЕФА Чемпиондар Лигасы мен Еуропа Лигасының 1/8 финалының қарымта матчтарын тікелей эфирде көрсетеді.
«QAZSPORT» телеарнасы дзюдодан Азия Кубогын тікелей эфирде көрсетеді
«QAZSPORT» телеарнасы дзюдодан Азия Кубогын тікелей эфирде көрсетеді
«QAZSPORT» телеарнасы дзюдодан Grand Slam халықаралық турнирін көрсетеді
Бублик Роттердамда әлемнің жетінші ракеткасын ұтты
«QAZSPORT» телеарнасы дзюдодан Grand Slam халықаралық турнирін көрсетеді
«QAZSPORT» телеарнасы футболдан 2021 жылғы OLIMPBET-Қазақстан Суперкубогының матчтарын тікелей эфирде көрсетеді
УЕФА Еуропа Лигасының 1/8 финалында кездесетін жұптар белгілі болды
Екі дзюдошымыз әлемдік рейтингтің үздік ондығына енді
«QAZSPORT» телеарнасы УЕФА Еуропа Лигасының 1/8 финалының жеребесін тікелей эфирде көрсетеді
«QAZSPORT» телеарнасы дзюдодан Grand Slam халықаралық турнирін көрсетеді
«Барыс» – «Авангард» матчының тікелей трансляциясы «QAZSPORT» телеарнасында
«Qazaqstan» және «QAZSPORT» телеарналары УЕФА Чемпиондар Лигасы мен Еуропа лигасының плей-офф матчтарын тікелей эфирде көрсетеді