Қазақстан құрамасының «Еуро-2020» іріктеу кезеңіндегі қарсыластары анықталды

Қазақстан Ұлттық құрамасы «Еуро-2020» турниріне іріктеу кезеңінде І тобында ойнайды.

Еуропадағы 55 құрама Ұлттар лигасындағы нәтижелері мен көрсеткіштеріне байланысты 6 қоржынға жіктелді. Қазақстан құрамасы Македония, Косово, Беларусь, Люксембург, Армения, Әзірбайжан, Молдова, Гибралтар және Фарер аралдарымен бірге 5-ші қоржынға орналасқан болатын.

Жеребе қорытындысы бойынша Қазақстан құрамасы "І" тобына түсті. Топта соңғы Әлем чемпионатының қол жүлдегерлері Бельгия құрамасы, Ресей, Шотландия, Кипр және Сан-Марино құрамаларына қарсы ойнайды.

2020 жылғы Еуропа чемпионатына іріктеу 2019 жылдың 21 наурызында басталады. Ал финалдық кезең Еуропаның 13 қаласында өтеді. Олардың қатарында Лондон, Мюнхен, Баку, Рим, Копенгаген, Бухарест, Амстердам, Дублин, Бильбао, Будапешт, Брюссель және Глазго қалалары бар.

Қазақстан құрамасының ойын кестесі:

21 наурыз: Қазақстан - Шотландия

24 наурыз: Қазақстан - Ресей

8 маусым: Бельгия - Қазақстан

11 маусым: Қазақстан - Сан-Марино

6 қыркүйек: Кипр - Қазақстан

9 қыркүйек: Ресей - Қазақстан

10 қазан: Қазақстан - Кипр

13 қазан: Қазақстан - Бельгия

16 қараша: Сан-Марино - Қазақстан

19 қараша: Шотландия - Қазақстан.

Фото: UEFA