Абзал Әжіғалиев шорт-тректен әлем кубогі кезеңінде қола жүлдегер атанды
Шорт-тректен Қазақстан құрамасының көшбасшысы Абзал Әжіғалиев Алматыда өтіп жатқан әлем кубогі кезеңінде қола жүлдегер атанды.
500 метрлік жарыста Абзал канадалық Самуель Жирар мен венгриялық Шаолин Люге есе жіберді.
Әжіғалиев өз жерімізде өткен кубоктік додада бірнеше жарысқа қатысты. Атап айтар болсақ, кеше 1000 метрге жарысудан финалға жетіп, бесінші орынға табан тіреді. Сондай-ақ, эстафетада сынға түсті.
Еске сала кетейік, Абзал Әжіғалиев Калгариде өткен әлем кубогінің алғашқы кезеңінде күміс жүлдегер атанды.
ҚР ҰОК
