Қазақстандық теннисшілер Australian Open турнирінің алғашқы айналымындағы қарсыластарын анықтады
Австралияның Мельбурн қаласында теннистен Australian Open турнирінің ерлер арасындағы жеребесі өтті.
Жеребе қорытындысы бойынша қазақстандық теннисші Михайл Кукушкин бірінші айналымда француздық Люк Пуйеге қарсы ойнайды. Люк Пуйе Әлемдік рейтингте 30-шы сатыда тұрса, Кукушкин 56-шы орында.
Бұған дейін спортшылар кортта бір-біріне үш рет қарсы тұрған. Оның біреуі қазақстандық теннисшінің жеңісімен аяқталса, қалған екеуі Люк Пуйенің еншісінде.
Ал әйелдер арасындағы сында екі бірдей қазақстандық өнер көрсетеді. Зарина Дияс алғашқы айналымда Әлемдік рейтингтің 60-шы ракеткасы сербиялық Александра Круничке қарсы ойнаса, Юлия Путинцева чехиялық Барбара Стрыцоваға қарсы тұрады.
