Мейірім Нұрсұлтанов орта салмақта Головкиннің орнын басатын қазақстандық боксшы

Америкалық WorldBoxingNews сайтының редакторы Фил Джей орта салмақтағы Мейірім Нұрсұлтанов (10-0, 8 КО) отандасы Геннадий Головкиннің (38-1-1, 34 КО) орнын басатынын айтады.

"Мейірім Нұрсұлтановтың соңғы жекпе-жегін тамашаладым. Бұл жігіттің мүмкіндіктері мықты. Бүкіл жекпе-жекті бақылауныда ұстады және нокаут та тамаша шықты. Өзін сенімді ұстайды, болашағы зор. Климас оған бекер сенім артып отырған жоқ.  

Жалпы Климас таланттарды аша білуімен белгілі. Мейірім Нұрсұлтановтың алдынан жақсы мүмкіндіктер ашылуда. Головкин карьерасын аяқтаған соң, бұл салмақта Мейірім жарқылдайды", - дейді ол.  

Айта кетейік, 12 қаңтарда Нұрсұлтанов екінші раундта 26 жастағы мексикалық Рамон Агинагиді (13-2, 26 КО) нокаутқа түсірді. Нұрсұлтанов былтыр қазанда WBC-дің топ-40 тізіміне енген. 

vesti.kz