"Реал Мадрид" Әлемнің ең табысты клубтар тізімінде көш бастап тұр
Deloitte аудиторлық компаниясы 2017/2018 футбол маусымындағы ең табысты Еуропалық клубтар тізімін жариялады.
Рейтинг көшін мадридтік "Реал" бастап тұр. Испандық клубтың өткен маусымдағы табысы 750,9 миллион еуро. Екінші орында каталондық "Барселона" 690,4 миллион еуро табыспен тұрақтаса, ал үздік үштікте ағылшын премьер-лигасының өкілі "Манчестер Юнайтед" (666 миллион).
Аталған командалардан бөлек ТОП-10 табысты клубтар тізіміне "Бавария" (629,2 миллион еуро), "Манчестер Сити" (568,4), ПСЖ (541,7), "Ливерпуль" (513,7), "Челси" (505,7), "Арсенал" (439,2), "Тоттенхэм" (428,3), "Ювентус" (394,9) және дортмундтық "Боруссия" (317,2) еніп отыр.
