Қазақстан Барысы-2017. Айбат Сейтен ширек финалда (ВИДЕО)
8/1 финалда алғаш болып Ақтөбе облысының өкілі Шыңғыс Шоқпытов пен астаналық Айбат Сейтен шықты. Шыңғыс Шоқпытов алғашқы айналымда Батыс Қазақстан облысының палуаны Темірлан Көлбайды жеңді. Екінші айналымда өзінің жерлесі Нұрбек Досмағанбетовты қапы қалдырды. Ал, Айбат Сейтен екінші айналымда Ерлан Омаровты ұтты. Белдесуде Айбат Сейтен бір жамбас ұпайымен Шыңғыс Шоқпытовты артқа қалдырды. Осылайша, ол ширек финалға жолдама алған алғашқы палуан болып отыр. Ал, Шыңғыс Шоқпытов үшінші айналымда бүгінгі турнирді аяқтады. Естеріңізге саламыз, турнирді «Қазақстан» мен «Kazsport» арналары тікелей эфирде көрсетуде. Сондай-ақ, kaztrk.kz және kazsporttv.kz cайттарынан онлайн көре аласыздар.
