Астанада шағын футболдан жолдастық кездесу өтті

20 ақпанда Астана қаласының «Достық» үйі ғимаратында Қазақстан Республикасының ІІМ Астана қаласы Күзет қызметі басқармасы, Астана қаласы әкімдігінің жанындағы «Қоғамдық келісім» КММ және Қазақстан халқы Ассамблеясы өкілдерінің қатысуымен өткізілген дөңгелек үстел барысында алдағы уақытта спорттық іс-шара өткізуге уағдаласып тарасқан болатын.

Осыған байланысты 1 наурыз – «Алғыс айту» күні мерекесіне орай және саламатты өмір салтын насихаттау, ұлттар арасындағы ауызбіршілікті нығайту мақсатында Қазақстан Республикасының ІІМ Астана қаласы Күзет қызметі басқармасының ұйымдастыруымен шағын футболдан жолдастық кездесу өткізілді. 


Ағымдағы жылғы 23 ақпанда «Алатау» СК өткізілген спорттық іс-шараға Астана қаласы әкімдігінің жанындағы «Қоғамдық келісім» КММ және Қазақстан халқы Ассамблеясының құрама командалары арнайы шақыртылды және жарыс қожайындары ретінде аталған жарысқа Күзет полициясының басшылығы 1 команда, ал жеке құрамы 3 команда қатысты. 

Іс-шараның ашылу салтанатында Қазақстан Республикасының ІІМ Астана қаласы Күзет қызметі басқармасы бастығының орынбасары полиция майоры Омаров Оралбек Тәубақабылұлы және Астана қаласы Қазақстан халқы Ассамблея Хатшылығының меңгерушісі Кусаинова Ляззат Сейтқазықызы құттықтау сөз сөйлеп, іс-шараны ашық деп жариялады. 

Спорттық іс-шараның ашылу құрметіне Қазақстан Республикасының мемлекеттік Гимні орындалып, Мемлекеттік Ту көкке көтерілді. 

Жалпы 6 команда, екі топқа бөлініп өзара мықтыны анықтады. 

Полиция қызметкерлері мен азаматтар арасындағы ойындар аса тартысты, қызықты өтті. Ойыншылар да жарыста аянып қалған жоқ. Кілең сайдың тасындай іріктелген спортшылар ойынды тамашалауға молынан жиналған көрермендерді нағыз доданың әсеріне бөледі. 


Үзіліс кезінде өзінің әсем дауысымен Қазақстан Республикасының ІІМ Астана қаласы Күзет қызметі басқармасының қызметкері полиция кіші сержанты Сабыр Ақбота «Толғау» әнін жиналған қауымға тарту етті. 

Қызу, әрі тартысты өткен жарыстың финалдық кездесуінде Қазақстан Республикасының ІІМ Астана қаласы Күзет қызметі басқармасы басшылығынан құрылған команда қарсыластарына 3:1 есебінде жол беріп 2-орынға табан тіреді. 

Жолдастық кесдесудің жеңімпазы болып Қазақстан халқы Ассамблеясының құрама командасы иеленді және алғашқы турнирдің арнайы кубогын жеңіп алды. 

Ал 3-орынға ІІМ Астана қаласы Күзет қызметі басқармасы 2-полиция батальонының командасы қол жеткізді. 

Іс-шараның марапаттау рәсімінде жеңімпаз командалар кубоктармен және Қазақстан Республикасының ІІМ Астана қаласы Күзет қызметі басқармасының грамотасымен марапатталды. 


Үздік ойын көрсетіп, көзге түскен спортшыларда қалыс қалған жоқ, осы турнирде «Үздік қақпашы» атанған Мирахмадов Миракбар Миркасынович, «Үздік шабуылшы» атанған Ахмаджанов Махмуджан Захиджанович, «Үздік қорғаушы» атанған Байжан Фархат Мамыртайұлы және «Үздік ойыншы» атанған Хамчиев Рашид Баширович бағалы сыйлықтармен және арнайы дипломдармен марапатталды.

Іс-шара соңында Қазақстан Республикасының ІІМ Астана қаласы Күзет қызметі басқармасының команда капитаны полиция майоры Оралбек Тәубақабылұлы өткізілген спорттық іс-шараға қолдау көрсетіп, ат салысқаны үшін командаларға және жанкүйерлерге шексіз алғысын білдіріп, футбол командалық ауызбіршілікті көрсететін және достықты насихаттайтын ойын, сондықтан бұл жолдастық кездесу алдағы уақытта жиі ұйымдастырылатынын айтып өтті.


Дереккөз: Қазақстан Республикасының ІІМ Астана қаласы Күзет қызметі басқармасы

Танымал жаңалықтар

Соңғы жаңалықтар

  • Дзюдо
Елдос Сметов әлемдік рейтингте ТОП-5 дзюдошылар қатарына енді
  • Теннис
Михаил Кукушкин жаңартылған ATP рейтингінде 13 сатыға көтерілді
  • Универсиада
Универсиада- 2019: Қазақстан құрамасы жарысты жеті медальмен аяқтады
  • Дзюдо
Елдос Сметов - Гран При жеңімпазы (ВИДЕО)
  • Қалғандары
Пара пауэрлифтингтен Әлем чемпионатының алғашқы күнінде үш қазақстандық спортшы жүлдегер атанды
  • Қалғандары
Парапауэрлифтингтен әлем чемпионатын «QAZSPORT» телеарнасы көрсетеді
  • Универсиада
Универсиада-2019: Михаил Литвин күміс жүлдеге ие болды
  • Дзюдо
Ғалымжан Қырықбай - Универсиада Чемпионы
Милад Карими жазғы Универсиадада күміс жүлдеге ие болды.
  • Дзюдо
Қазақстан құрамасы дзюдодан Гран-При турниріне қатысады
  • Теннис
Михаил Кукушкин Уимблдон-2019 турнирінің 1/16 финалына шықты
  • Универсиада
Универсиада- 2019: Милад Карими мен Нариман Құрбанов спорттық гиманстикадан финалға өтті
  • Күрес
Күрес түрлерінен кадеттер арасында Азия чемпионаты басталды
  • Универсиада
Италияда ХХХ жазғы Универсиада ойындарының ашылу салтанаты өтті
  • Хоккей
"Барыс" канадалық шабуылшыны өз қатарына қосты
  • Дзюдо
Дзюдодан ХХХ жазғы Универсиада ойындарына қатысатын Қазақстан құрамасы
  • Теннис
Михаил Кукушкин "Уимблдон-2019" турнирін жеңіспен бастады
  • Бокс
Қанат Исламның боксқа қайта оралуы – QAZSPORT арнасының тікелей эфирінде
  • Теннис
Юлия Путинцева Әлемнің екінші ракеткасынан басым түсті
  • Бокс
Садриддин Ахмедов қарсыласын 90 секундта нокаутқа жіберді