Әсет Дүйсенов ХХІХ Қысқы Универсиада ойындарының күміс жүлдегері
Қазақстандық шаңғышы Әсет Дүйсенов ХХІХ Қысқы Универсиада ойындарында күміс жүлдеге ие болды.
Спринтерлік сында бақ сынаған отандасымыз финалдық кезеңде 2:49,41 минут уақытта жүріп өтіп, жүлдегерлер қатарынан көрінді. Алтын және қола жүлде ресейлік Александр Терентьев мен Андрей Собакаревтың еншісінде.
Бұл Универсиада ойындарындағы Қазақстан қоржынындағы екінші жүлде болды. Естеріңізге сала кетейік, бұған дейін фристайлдан Жанбота Алдабергенова қола жүлдегер атанған еді.
