«Барыс» Гагарин кубогының ширек финалына жолдама алды
Астаналық «Барыс» Гагарин кубогының ширек финалына жолдама алды. Құрлықтық хоккей лигасы плэй-офф кезеңінің 1/8 финалында «Барыс» Нижний Новгород қаласының «Торпедо» клубын 7 ойынға созылған серияда 4:3 есебімен басып озды.
Астанада өткен шешуші матчта Скабелка шәкірттері 3:2 есебімен жеңіске жетті. «Барыс» сапынан Даррен Диц дубль авторы атанса, Мэтт Фрэттин бір шайбаны еншісіне жазды.
Қазақстандық клубтың 1/4 финалдағы қарсыласы Омбы қаласының «Авангард» клубы болмақ.
