Қысқы Универсиада-2019. Қазақстан құрамасы 17-і орынға тұрақтады

Қазақстанның студенттер құрамасы Ресейдің Красноярск қаласында өткен ХХІХ Қысқы Универсиада ойындарыөз мәресіне жетті.

Соңғы жарыс күнінде шаңғымен 30 км қашықтыққа сынға түскен Олжас Климин, Константин Борцов, Наиль Башмаков, Никитиа Гридин және Нұркен Асқар бастаған жігіттер жүлдеге іліне алмады. Ең жоғарғы көрсеткішті Олжас Климин көрсетті (6-орын). Сонымен қатар, бүгін ерлер арасындағы Қазақстан хоккей құрамасы жүлдеге бір табан жақын болды. Дегенмен, жартылай финалда словакиялық қарсыластарына есе жіберіп, "қола" үшін кездесуде Канада құрамасына жеңілді. Естеріңізде болса, топтық кезеңде қазақстандық жігіттер "үйеңкі жапырқты" елдің жастарын 4:3 есебімен ұтқан болатын.

Алайда, 2 наурызда алауы тұтанған Универсиада ойындарында ел қоржыны бос қайтпады. Ел спортшылары айтулы бәсекеде 4 күміс және 3 қола медаль еншілеп, жалпы командалық есепте 17-ші сатыға тұрақтады. 

Бірінші орында жарыс иелері Ресей (41 алтын, 39 күміс, 32 қола) құрамасы болса, үздік үштікті Оңтүстік Корея (6;4;4) мен Жапония (5;4;4) түйндеді.  

ХХІХ Қысқы Универсиада ойындарында жүлде ұтқан қазақстандық спортшылар:  

Әсет Дүйсенов - күміс, шаңғы жарысы, спринт;  

Шаңғыдан ерлер құрамасы (Әсет Дүйсенов, Олжас Климин, Никита Гридин, Иван Люфт) - күміс, эстафета 4х7,5км;  

Павел Колмаков - күміс, фристайл параллельді могул;  

Элизабет Тұрсынбаева - күміс, мәнерлеп сырғанау;  

Жанбота Алдабергенова - қола, фристайл акробатика;  

Шорт-тректен ерлер құрамасы (Денис Никиша, Нұртілек Қажғали, Еркебұлан Шамұханов, Мерсаид Жақсыбаев) - қола, эстафета 5000м;  

Шорт-тректен қыздар құрамасы (Алия Әмірғалиева, Хадиша Бақытткереева, Яна Хан және Алена Волковицкая) - қола, эстафета 3000м