Бауыржан Исламхан Шотландия және Ресей құрамаларына қарсы ойынға қатыспайды
Футболдан Қазақстан Ұлттық құрамасының жартылай қорғаушысы Бауыржан Исламхан 2020 жылғы Еуропа чемпионатының іріктеу кезеңі аясында өтетін Шотландия мен Ресей құрамаларына қарсы ойынға қатыспайды.
26-жасар қазақстандық футболшы Ұлттық құрама сапына қосылғанымен, жарақатына байланысты негізгі құрамнан шет қалды. Исламханның орнына Қазақстан құрамасының бас бапкері Михал Билек қарағандылық "Шахтердің" шабуылшысы Оралхан Өміртаевты шақырды.
Естеріңізге сала кетейік, Қазақстан құрамасы 21 наурыз күні Шотландиямен кездессе, 24 наурыз күні Ресей құрамасымен ойнайды. Ойындар Астана қаласында өтеді.
