«Қазақстан» телерадиокорпорациясының Digital бастамалары таныстырылды

Орталық коммуникациялар қызметінде «Қазақстан» телерадиокорпорациясының Digital платформадағы жаңа жобалары мен Димаш Құдайбергеннің 29 маусым күні Нұр-Сұлтанда өтетін «Arnau» концертіне арналған баспасөз конференциясы өтті. 

Шара барысында «Қазақстан» РТРК» АҚ басқарма төрағасы Ерлан Қарин «Kinomax» жаңа мобильдік қосымшасының іске қосылуы жайында және «Arnau» концертінің дайындық барысы жөніндегі жаңалықтарымен бөлісті.

Оның айтуынша, «Қазір цифрландыру дәуірі, сондықтан көрермендердің көбісі әлеуметтік желілерде, түрлі интернет сайттарда өздеріне қызықты да қажетті контентті тауып, тамашалай алады. Таңдау көп, сондықтан танымал трендтерге сәйкес келетін контент жасаушылар саны күннен-күнге көбейіп келеді, бәсекелестік күшейе түсуде. Осы орайда «Қазақстан» корпорациясы заман талабына сай жұмыс істеуде.


«Өткен жылы «Qazaqstan Tv» мобильдік қосымшасын іске қосқан болатынбыз, сол арқылы телеарналарымыздың жобаларын онлайн режимде көру мүмкіндігі пайда болды. Аздаған уақыттың ішінде қосымшаны жарты миллионнан астам қолданушы жүктеп алды. Сондай-ақ әлеуметтік желілердегі жеке аккаунттарымызда жазылушылар саны 1 599 762 адамға жетті. Ал «Qazaqstan tv» Youtube арнасының жазылушылар саны миллионға жетіп отыр, сондықтан қазіргі сәтте еліміздегі мемлекеттік телеарналардың ішінде ең алдыңғы орында тұр. Маусым айында «Youtub-тың алтын батырмасын» иеленуіміз әбден мүмкін. Одан басқа, корпорациямызға қарасты барлық аккаунттар мен домендер Qazaqstan Tv-ге ауыстырылды. Жастар жылы аясында Youtube арнамызда жастарға арналған ситком дайындап жатырмыз, ол туралы кейінірек білесіздер», - деді Басқарма төрағасы.

Сондай-ақ Ерлан Қарин корпорацияның жаңадан іске қосылған «Kinomax» мобильді қосымшасын таныстырды.

«Бүгін Сіздердің назарларыңызға ұсынып отырған «Kinomax» мобильді қосымшасы – бұл Andriod және IOS платформаларында тәулігіне 24 сағат бойы қолжетімді видеосервис. Осы қосымша арқылы отандық телехикаялар, көркем және деректі фильмдер, анимациялық фильмдерді онлайн режиммен қатар, оффлайн режимде де көруге болады. Қосымшада «Kinomax-тегі жаңа фильмдер» деген айдарда жаңадан енгізілген кинотуындылар жиналған, «Осы аптада танымал» бөлімінде қолданушылардың арасында танымал, жоғары бағаланған контент, ал «Дәл қазір көруде» - сол сәтте қолданушылардың тамашалап жатқан контентін көре аласыздар. Сонымен қатар, кішкентай бүлдіршіндер үшін «Балапан» режимі қарастырылған. Бұл топтамада «balapan» телеарнасының бағдарламалары, анимациялық фильмдер ұсынылған.

Бұл видеосервис отандық контентті дамытумен қатар, аудитория сұранысына сай сапалы жобаларды ұсыну мақсатында іске асырылды. Осы арқылы біз көрермендеріміздің талғамын ескеріп, бәсекеге қабілетті және түрлі жанрлардағы контентті ұсынуды көздейміз»,-деді.

Сонымен қатар, Ерлан Қарин «Қазақстан» корпорациясының ұйымдастыруымен өтетін Димаш Құдайбергеннің концертіне дайындық барысы жайлы мәлімет айтып өтті.

«Концертке билет сатып алушылардың ең көбі қазақстандықтар, одан кейін Ресей, АҚШ, Қытай, Ұлыбритания, Франция, Германия, Жапония, Түркия, Нидерланды, Румыния, Польша және т.б. Ең алыс елдердің арасында Бразилия, Мексика, Африка, Канада, Австралия. Билеттер сатылымға шыққан алғашқы күні 6926 билет (30%) сатылған.Бір аптадан кейін билеттер сатылымы 11099-ға (48,2%) жеткен. Бүгінде сатылым 66%-ға жетті, яғни, 15156 билет сатылды. Димаштың концертіне келем деушілердің саны өте көп, үлкен аншлагпен өтеді.

Димаштың дауысы – бұл адамдардың жүрегін жаулап алатын, ерекше импульс, былай айтқанда «Kinetic Voice» (от греч. Kinetikos – қимылға әкелетін әрекет). Бұл - Димаштың концертінің басты концепциясы. Шоу кинетикалық стильде құрылған, оның образына дейін имиджмейкерлермен кеңінен ойластырылған. Әр номер – ортақ идеяны жеткізетін жеке оқиға, мини-спектакль деуге болады. Қазіргі сәтте барлық техникалық жағдайлар, мультимедиялық шешімдер, сахнаның әрленуі, дыбыс пен жарық мәселесі шешілді. Енді декорация мен реквизит қарастырылып жатыр. Концерттің теле нұсқасын сапалы түсіру жұмыстары да ойластырылуда, алдағы 3 айға жоспар құрылған. Шығармашылық топпен музыкалық материалдар, қойылым жұмыстары мен графикалық шешімдер толық іске асырылып жатыр. Концертке қатысатын түрлі жанрдағы бишілер тобына арнайы кастинг жүргізілді. Кастинг қорытындысы бойынша халықаралық алаңдарда өнер көрсеткен еліміздің ең мықты бишілері қатысатын болды».


Тағы да бір жаңалық, 1 мамыр күні Ұлттық арна эфирінен Димаштың Наурызда Мәскеудегі Кремль сарайында өткен концерті көрсетіледі. Сондай-ақ, корпорация Димаш туралы деректі фильмнің түсірілімін бастап кетті. Бұл туындыда Димаштың өмірі, шығармашылығы жайлы баяндалады.

Танымал жаңалықтар

Соңғы жаңалықтар

  • Футбол
Еуропа Лигасының плей-офф кезеңінде өнер көрсететін белгілі болды
  • Футбол
Елордада футболдан Президент Кубогы өтеді
  • Футбол
"Ливерпуль" УЕФА Суперкубогін иеленді
  • Футбол
"БИІК-Қазығұрт" Чемпиондар Лигасының 1/16 финалына жолдама алды.
  • Дзюдо
Дзюдодан әлем чемпионатына қатысатын Қазақстан құрамасы анықталды
Қазақстанның Ұлттық Олимпиадалық комитеті XXXII жазғы Олимпиада ойындарына қатысу үшін ресми шақырту алды
  • Дзюдо
Елдос Сметов әлемдік рейтингте ТОП-5 дзюдошылар қатарына енді
  • Теннис
Михаил Кукушкин жаңартылған ATP рейтингінде 13 сатыға көтерілді
  • Универсиада
Универсиада- 2019: Қазақстан құрамасы жарысты жеті медальмен аяқтады
  • Дзюдо
Елдос Сметов - Гран При жеңімпазы (ВИДЕО)
  • Қалғандары
Пара пауэрлифтингтен Әлем чемпионатының алғашқы күнінде үш қазақстандық спортшы жүлдегер атанды
  • Қалғандары
Парапауэрлифтингтен әлем чемпионатын «QAZSPORT» телеарнасы көрсетеді
  • Универсиада
Универсиада-2019: Михаил Литвин күміс жүлдеге ие болды
  • Дзюдо
Ғалымжан Қырықбай - Универсиада Чемпионы
Милад Карими жазғы Универсиадада күміс жүлдеге ие болды.
  • Дзюдо
Қазақстан құрамасы дзюдодан Гран-При турниріне қатысады
  • Теннис
Михаил Кукушкин Уимблдон-2019 турнирінің 1/16 финалына шықты
  • Универсиада
Универсиада- 2019: Милад Карими мен Нариман Құрбанов спорттық гиманстикадан финалға өтті
  • Күрес
Күрес түрлерінен кадеттер арасында Азия чемпионаты басталды
  • Универсиада
Италияда ХХХ жазғы Универсиада ойындарының ашылу салтанаты өтті