Қазақстан Барысы-2017. Асыл Бәрменов маңғыстаулық Мейрамбек Жаңабайды таза ұтты (ВИДЕО)

Қарағанды облысының өкілі Асыл Бәрменов маңғыстаулық Мейрамбек Жаңабаймен белдесті. Ол алдында жартылай жеңіс ұпайын алған болатын, қазіргі белдесуде таза тастап Мейрамбек Жаңабайдан басым түсті. Асыл Бәрменов «Қазақстан барысы» турнирінің 2012, 2014, 2015, 2016 жылдардағы қатысушысы. 2014 жылғы күміс жүлдегер. Бүгінгі турнирде солтүстікқазақстандық палуан Алтынбек Аусағитовтан басым түсті. Қарсыласы – маңғыстаулық Мейрамбек Жаңабай. 2013, 2014, 2015 жылғы жарыстардың қатысушысы. «Қазақстан барысы» атанбай, турнирден кетпеймін» деген ұстанымдағы палуан. Бүгін астаналық палуан Дархан Бижановтан айла асырды. Айта кетейік, турнирді «Қазақстан» мен «Kazsport» арналары тікелей эфирде көрсетті.