Жас дзюдошылар Еуропа кубогынен олжалы оралды

6-7 сәуір күндері Линьянода (Италия) дзюдодан жастар арасында Еуропа кубогы өтті. Аталмыш жарысқа Қазақстан жастар құрама командасы қатысып, 1 алтын, 1 күміс, 1 қола медальмен жалпы командалық есепте жарысты 36 ел ішінде 4 орынмен аяқтады.

Жарыстың бірінші күнінде 48 келіге дейінгі салмақта финалға қаазақстаандық қос дзюдошымыз шықты. Ғалия Тынбаева мен Ақмарал Науатбек арасындағы тартысты бәсеке қосымша уақытта Ғалия Тынбаеваның еншісіне шешілді. Нәтижесінде, Ғалия Тынбаева алтыннан алқа тақса, Ақмарал Науатбек күмісті місе тұтты. 

Сондай-ақ, 70 келіге дейінгі салмақта сынға түскен отандасымыз Мөлдір Нарынова ел қоржынын қола жүлдемен толықтырды. 52 келіге дейінгі салмақта күрескен Ақмарал Ерназар жартылай финалға дейін қарсылас шақ келтірмегенімен шешуші сәтте қарсыластарына есе жіберіп, жарысты 5-орынмен аяқтады.

Дереккөз: Қазақстан дзюдо федерациясы