Бокстан Азия чемпионатының ширек финалында тоғыз боксшы бақ сынайды
Бүгін бокстан Бангкокта (Таиланд) өтіп жатқан Азия чемпионатының ширек финалындық жекпе-жектері басталады.
Ерлер арасында 1/4 финалда Қазақстанның намысын тоғыз боксшы қорғайды: Теміртас Жүсіпов (49), Қайрат Ералиев (56), Зәкір Сафиуллин (60), Санатәлі Төлтаев (64), Асланбек Шымбергенов (69), Тұрсынбай Құлахмет (75), Бек Нұрмағанбет (81), Василий Левит (91) және Қамшыбек Қоңқабаев (+91).
52 келіге дейінгі салмақта өнер көрсеткен Әнуар Мұзаппаров 1/8 финалдық кезеңде жарыс жолынан шығып қалды.
Фото: ҚР ҰОК
