Велоспорттан Азия чемпионатында ел қоржынына алғашқы медальдар түсті
Өзбекстан астанасы Ташкентте велоспорттан Азия чемпионаты басталып, Қазақстан қоржынына алғашқы медальдар түсті.
Ерлер құрамасынан командалық сайыста жарыс жолына шыққан Юрий Натаров, Артем Захаров, Дмитрий Груздев, Евгений Гидич, Жандос Бижігітов және Даниил Фоминых чемпион атанды.
Сондай-ақ, Қазақстан қыздар командасы құрлық додасының күміс жүлдегері атанды. Қазақстан намысын Наталья Сайфутдинова, Амилия Искакова, Фаина Потапова, Махаббат Үмітжанова, Виктория Пастарнак және Жанерке Санақбаева қорғады.
Фото: ҚР ҰОК
