«Сарыарқа» - Петров кубогының иегері
«Сарыарқа» хоккей клубы Жоғарғы хоккей лигасы плей-офф кезеңінің финалдық бәсекесінде «Рубинді» төртінші рет жеңіп, Петров кубогының жеңімпазы атанды. Қарағандылықтар серияда 4:1 есебімен жеңіске жетті.
Қос команда арасындағы ақтық сынның бесінші матчы Түменде өтті. Бірінші кезеңде командалар 1:1 есебімен аяқталды. Үзілістен кейінгі екі кезеңде қарағандылық клуб жауапсыз үш шайба соғып, жеңісті жұлып әкетті. Қорытынды есеп – 1:4.
Осылайша, «Сарыарқа» хоккей клубы өз тарихында екінші рет Жоғарғы хоккей лигасының чемпионы атанды. Бұған дейін қазақстандық клуб 2014 жылы жеңімпаз атанған еді.
