Тұрсынбай Құлахмет бокстан Азия чемпионы атанды
Қазақстандық боксшы Тұрсынбай Құлахмет бокстан Таиландтың Бангкок қаласында өтіп жатқан Азия чемпионатында топ жарды. 75 келіге дейінгі салмақта бақ сынаған отандасымыз финалда үндістандық Ашиш Кумарды ұтты.
Бұл биылғы құрлықтық бәсекедегі ел қоржынына түскен алғашқы алтын медаль. Бұған дейін қазақстандықтар сапынан Закир Сафиуллин (60 келі) күміс жүлдеге ие болса, Василий Левит (91 келі), Санатәлі Төлтаев (64 келі) және Теміртас Жүсіпов (49 келі) бокстан Азия чемпионатының қола жүлдегерлері атанған болатын.
Әйелдер арасында Милана Сафронова (64 келі), Дариға Шәкімова (69 келі), Фариза Шолтай (81 келі) және Ләззат Күнгейбаева (81 келіден жоғары) қола жүлдені қанағат тұтты.
