Бек Нұрмағанбет бокстан Азия чемпионы
Таиландтың Бангкок қаласында өтіп жатқан Азия чемпионатында тағы бір қазақстандық боксшы топ жарды. 81 келіге дейінгі салмақта сынға түскен Бек Нұрмағанбет филиппиндік қарсыласы Джон Нобель Марвинді ұтып, құрлықтық бәсекенің чемпионы атанды.
Бұған дейін Тұрсынбай Құлахмет 75 келіге дейінгі салмақта топ жарса, Закир Сафиуллин (60 келі) күміс жүлде атанған еді. Ал, Василий Левит (91 келі), Санатәлі Төлтаев (64 келі) және Теміртас Жүсіпов (49 келі) бокстан Азия чемпионатының қола жүлдені қанағат тұтты.
Фото: Қазақстандық бокс федерациясы
