Нұр-Сұлтан қаласында Азия-Тынық мұхиты хабар тарату одағының спорттық конференциясы өтеді

2019 жылдың 13 маусымында Орталық коммуникациялар қызметінде 14-16 маусым аралығында Нұр-Сұлтан қаласында өтетін 64-ші Азия-Тынық мұхиты хабар тарату одағының (ABU - Asia-Рasific Broadcasting union) спорттық конференциясына арналған баспасөз мәслихаты өтті. 

ABU-ның 64-ші спорттық конференциясының ұйымдастырушысы "Қазақстан" телерадиокорпорациясы.  

Брифингте ABU Бас хатшысы Джавад Моттаги мен "Qazsport" телеарнасының директоры Павел Цыбулин сөз сөйледі.  

Кездесу барысында күнделікті жаңалықтармен алмасу, бағдарламаларды бірлесіп өндіру, техникалық және бағдарламалық қызметтерді көрсету бойынша жоспарлар айтылды.

Қазақстан астанасында өтетін ABU-ның 64-ші спорттық конференциясына қатысуға: Малайзия, Сингапур, АҚШ, Франция, Қытай, Таиланд, Гонконг, Австралия, Өзбекстан, Үндістан, Жапония және т. б. 20 елден түрлі телерадиокомпаниялар мен халықаралық ұйымдардың басшылары мен өкілдері келді.

Естеріңізге сала кетейік, 2018 жылдың қазан айында Ашхабад қаласында өткен ABU Бас Ассамблеясы аясында ABU мен "Qazsport" спорт телеарнасы арасында "Астана қаласында ABU бірлескен спорттық конференциясын өткізу туралы меморандумға" қол қойылған болатын.  

Халықаралық спорттық конференция аясында делегаттар каратэден "Қазақстан Open" ірі халықаралық турниріне қатысады. Айта кетейік, каратэ жаңа спорт түрі ретінде бекітіліп, 2020 жылы Токио Олимпиадасында көрсетілген спорт түрлерінің тізіміне енген болатын. Сондай-ақ, Ұлттық спорт түрлері Федерациясы елімізге келген қонақтарға Ұлттық спорт түрлерінен арнайы көрсетілім ұйымдастырмақ. "Qazsport" телеарнасы болашақта Ұлттық спорт түрлерін Азия елдерінде көрсетуді жоспарлап отыр.

Азия-Тынық мұхиты хабар тарату одағы (ABU) әлемдегі ең ірі хабар тарату одағының бірі. Қазіргі уақытта одақтың құрамына 76 елден 272 мүше кіреді. ABU-ға қарасты мүше компаниялар арқылы шамамен 3 миллиард адамға хабар таратылады.

Танымал жаңалықтар

Соңғы жаңалықтар

Азиада-2025: Қазақстандық шаңғышылар қола медальге ие болды
Азиада-2025: Қазақстандық шаңғышы қыздар күміс медальге ие болды
Хоккей: Қазақстан әйелдер құрамасы Жапонияға есе жіберді
Қазақстандық Велошабандозшылар алтын мен күміс медаль жеңіп алды
Азиада-2025: Қазақстандық хоккейшілер жартылай финалға шықты
Марат Омаров УЕФА президенті Александер Чеферинмен кездесті
Вадим Куралес Азия ойындарының күміс жүлдегері
Қазақстан қоржынында үшінші алтын
Қазақстандық фристайлшылар алтынға қол жеткізді
Қазақстандық фристайлшылар қолаға қол жеткізді
Түркістанда Бекзат Саттархановты еске алуға арналған ашық турнир басталды
Ресми: Дастан Сатпаев «Челси» ойыншысы
Бокстан Сербияда «Belgrade winner» халықаралық турнирі аяқталды
Азиада-2025: Қазақстандық хоккейші ерлер Оңтүстік Кореядан басым түсті
  • Қысқы спорт түрлері
Олжас Климин Азиада ойындарының қола жүлдегері
Харбин-2025: Фристайл-акробатикадан Қазақстан құрамасы күміс медаль алды
Қазақстандық спринтерші қыздар Азия ойындарының қола жүлдесіне қол жеткізді
Қазақстандық шорт-трекшілер Азия ойындарының алтын жүлдегері
Қазақстандық шорт-трекшілер Азия ойындарының күміс жүлдегері
Аяна Жолдас Азиада ойындарының қола жүлдегері