2019 жылғы жазғы Универсиадаға 94 қазақстандық спортшы қатысады
3 шілде күні Италияның Неаполь қаласында 2019 жылғы жазғы Универсиада ойындары басталады. Әлемнің 170 елінен жиналған студенттер додасына Қазақстан атынан 94 спортшы қатысады.
Қазақстан атынан байрақты бәсекеге көп құраммен қатасатын спорт түрінің арасында семсерлесу де бар. 18 спортшы семсерлесу бойынша жүлдеге таласатын болады. Сондай-ақ, жеңіл атлетикадан 16, таеквондодан 15 спортшы бақ сынайды.
Садақ атудан сегіз, нысана көздеу және стенд атудан он спортшы жарыс жолына шықса, спорттық және көркем гимнастикадан алты өкіліміз сынға түседі. Сонымен бірге, төрт теннисші, он дзюдошы және жүзу спортынан жеті спортшы Универсиада жүлдесіне таласады.
QAZSPORT арнасы 2019 жылғы жазғы Универсиада ойындарын тікелей эфирде көрсетеді.
